Aaj shaam badi khamosh si hai lagta ho jaise ki manno sab kuch saanth ho gaya ho bus sayad ye shanti toofan ke aane ke pehli ki thi, man me ek ajab si baichani uti or man kiya ki chalo apne dost se mil leta hu. ghar se nikla ki achanak man badal gaya or uske pass na jaakar main pahuch gaya metro station or phir wahan se main NEW DELHI RLWY station kaise or kyun nahi pata lekin aisa laga jaise maano koi hai jo apni or kheech raha ho, lekin wo kaun nahi pata sayad koi ho nahi pata , phir kya tha main us khamosi ko cheerte hue pahucha G.B. road  (garristo barriston road ) ek ajab si gandh thi us mauhal me, yahan kewal jism hi nahi bikta balki india ki bahut badi senetry market bhi hai yahan par, mauhal saanth tha or us sannate ko cheerkar main pahuch gaya apne mukaam par kotha no. 64 log pata nahi kyun ise bahut accha or safe koyha maante hai , wahan aapko wajib daam par acchi cheej mil jaati hai accha niyam hai market ka chahe wo gharelu saaman ho yaa phir jism . jaise hi andar ghusa maano laga bahut sari aatmaye bhatak rahi ho aurato ki aur apni ijjat ki duhai de rahi ho lekin log kahan mane wale the matra 200 me jism ka sauda hota hai yahan par wo bhi uska jisne hume paida kiya ....lekin kyun or kaise.

'kothe me kewal jism ka sauda nahi hota apitu bhavnao, ijjat, or aatma ka bhi sauda hota hai.'
aisi bheed jaise mahatma gandhi ki sabha ho log bhakt bankar milne aaye ho,jo log wahan jaate hai unka sauda karte hai unke ghar par bhi maa behen hoti hai lekin phir wo dusri aurato ke saath aisa kaise kar dete hai kyunki sayad unhe nepal ya bihar se bhed , bakriyo ki tarah laaya jata hai .ya log unhe behla kar naukri ke naam par delhi le aate hai or kothe me bech dete hai ...

'wo aayi thi to paise kamakar apni bhook mitane k liye ,
aaj bhi wo pasie kamati hai lekin phir bhi wo bhooki hai,
kyunki in paiso ke badle uski nahi balki dusro ki bhook mitthi hai.'

sex ek sarvabhaumik satya hai or ise koi nahi jhutla sakta hai.